Prince Mohammed bin Salman ndiye alinunua nyumba kwa dola milioni 320 Ufaransa

Haki miliki ya pichaREUTERS

Image captionMrithi wa ufalme Saudi Arabia ndiye alinunua nyumba hii kwa dola milioni 320

Mrithi wa ufalme nchini Saudi Arabia Prince Mohammed bin Salman ndiye aliinunua nyumba ya kifahari nchini Ufaransa kwa mujibu wa ripoti ya gazeti la New York Times.

Gazeti hilo linasema kuwa ununuzi huo wa mwaka 2015 ulifanywa kuputia kampuni kadhaa za shell.

• Saudi Arabia yailaumu Iran kwa kombora lililorushwa Riyadh
• Mfalme wa Saudia amfuta kazi mrithi wake

Nyumba hiyo iliyo karibu na Versailles ina sehemu nyingi za kifahari ikiwemo sinema.

Iligharimu dola milioni 320 na jarida na Fortune likaitaja kuwa nyumba ghali zaidi duniani.

Haki miliki ya pichaREUTERS

Image captionPrince Mohammed bin Salman

Mnunuzi hakujulikana wakati huo.

Lakini New York Times inaripoti kuwa nyaraka zilionyesha kuwa nyumba hiyo ilimilikiwa na kampuni inayosimamiwa na wakfu wa Prince Mohammed.

• Wana wa ufalme wakamatwa Saudi Arabia
• Uchunguzi: Dola bilioni 100 zilifujwa Saudi Arabia

Serikali ya Saudi Arabia haijasema lolote kuhusu ripoti hiyo.

Mwaka 2015 Prince Mojammed aliripotiwa kujinunulia mashua ya kifahari kutoka kwa mfanyabiashara raia wa Urusi kwa dola milioni 590.