Watendaji wa Serikali na wasecta binafsi watakiwa kuwathamini na kuwaenzi wazee

Watendaji wa taasisi mbali mbali za Serikali na binafsi visiwani Zanzibar wametakiwa kuwaenzi na kuwathimini wazee wanaoishi kwenye nyumba za kulelea wazee Zanzibar. 

Hao ni miongoni mwa Wazee  wanaoishi katika nyumba ya kulelea wazee Welezo Zanzibar

 

Mwenyekiti wa kamati ya mifugo, utalii, uwezeshaji na habari ya baraza la wawakilishi Mhe. Ali Suleiman Shihata ambae pia ni mwakilishi wa jimbo la Kijitoupele ameyasema hayo kwenye ziara ya kamati hiyo katika nyumba ya wazee Sebuleni.

Amesema kuwasaidia wazee ni jambo muhimu kutokana na mchango walioutowa katika taifa.  

        Mhe. Shihata ameagiza kuwepo usafiri kwa saa 24 kwenye kituo cha Sebuleni ili kuwasaidia wazee inapotokea dharura.

        Pamoja na hayo ametaka kuorodheshwa familia za watu  wanaoishi katika mazingira magumu ili kuwapatia huduma muhimu ikiwemo makazi, malazi na chakula.

         Nae mkurugenzi  wa  wizara  ya kazi, uwezeshaji,vijana, wazee, wanawake na  watoto, amesema  wizara   yake  ina majukumu  mengi  lakini asilimia  kubwa  ya  majukum  hayo  wameshayatekeleza ikiwemo kusaidia  familia 95 wanaoishi  katika mazingira  magumu.

Na kuwapatia posho wazee wenye miaka 70 na kuendelea, mfumo  ulianzishwa  tareh 15/4/2016 ambapo  mpaka kufikia Disemba 2016 wazee  waliosajiliwa  ni  16 elfu, mia 8 na 35 kisiwani Unguja.