Wazazi Zanzibar watakiwa kuwakinga watoto dhidi ya vitendo vya kikatili

Wazazi visiwani Zanzibar wametakiwa kuwa karibu na watoto hasa wenye ulemavu kwa lengo la kuwakinga dhidi ya vitendo vya unyanyasaji na ukatili unaofanywa na baadhi ya watu hapa nchini.

                 

Katibu mkuu kutoka jumuiya ya wasiona Zanzibar Adil Muhammed Ali ametoa rai hiyo alipokuwa akizungumza na mwandishi wetu , amesema watoto wenye ulemavu wanahitaji ulinzi mkubwa ili nao waewze kufikia malengo yao.

Ameongeza kuwa licha ya serikali kupiga vita vitendo vya udhalilishaji lakini bado vimekuwa vikiendelea kushamiri na kuzusha hofu ndani ya jamii. 

Pamoja na hayo Adil ametoa wito kwa majaji kuwa makini wakati wa kutowa hukumu dhidi ya kesi zinazowahusu watoto wenye ulemavu  kutoa na baadhi yao kushindwa kutoa ushahidi kwa ufasaha kutokana na ulemavu walionao.