ZANZIBAR YAJIDHATITI KUONGEZA UFAULU MASHULENI

        SERIKALI ya mapinduzi Zanzibar imejidhatiti  kuandaa mbinu madhubuti ili kukuza kiwango cha elimu kitakachopelekea kuongezeka kwa ufaulu katika shule mbali mbali visiwani humo.

                                 

        Naibu waziri wa elimu na mafunzo ya amali Zanzibar Mmanga Mjengo Mjawiri ametoa kauli hiyo alipokuwa akizungumza na walimu wakuu, wanakamati wa skuli na masheha wa wilaya za Magharibi A na B.

        Amesema jitihada zikifanyika kwa wadau wa elimu kuwa na nia ya dhati kuinua kiwango cha elimu itasaidia kukuza kiwango cha ufaulu nchini.

        Pamoja na hayo amewataka walimu wakuu kuzifahamu na kuzitatua changamoto zinazowakabili katika skuli zao, hata hivyo amesisitiza  walimu kufundisha katika viwango vinavyofaa na kusomesha kwa wakati hatua aliyoitaja itapunguza kudhorota kwa kiwango cha elimu Zanzibar.