KAULI YA RAISI SHEIN KUBORESHA MASLAI KWA WATUMISHI YAMKUNA WAZIRI ZANZIBAR

Wakati Zanzibar ikielekea kuadhimisha miaka 53 ya mapinduzi wiki ijayo, Waziri  wa katiba, sheria, utumishi  wa umma na utawala bora Haroun Ali Suleiman amempongeza Rais wa Zanzibar na mwenyekiti wa Baraza la mapinduzi Dkt. Ali Mohamed Shein kwa kuonesha nia ya dhati kuboresha maslahi kwa watumishi wa umma.

        Akizungumza liwale blog ofisini  kwake Mazizini, mjini Unguja Mhe. Haroun amesema hatua hiyo itasaidia kuinua maisha ya watumishi hao kwani kima cha chini cha mshahara kinatarajiwa kupanda kutoka shilingi laki moja na nusu hadi laki 3 mwezi Aprili mwaka huu.

        Pia ameeleza kufurahishwa na hatua ya Mhe. Rais kuanzisha tume ya maadili ya viongozi wa utumishi wa umma ambapo ameitaja tume hiyo kuwa itasaidia katika vita ya kupambana na vitendo vya rushwa na uhujumu uchumi.

        Pamoja na hayo Mhe. Haroun amesema wizara yake imejitahidi kupambana  na vitendo vya rushwa kwa kuanzisha  kitengo cha rushwa na kutumia mbinu kadhaa.