Chuki zinazodaiwa ni zakisiasa zapelekea kuharibiwa kwa Miundombinu ya Maji Zanzibar

Mkuu wa mkoa wa mjini magharibi Visiwani Zanzibar  Ayoub Mohamed amewataka wananchi kuacha kuharibu kwa makusudi miundombinu inayowekwa na Serikali.

        Kauli ya mkuu huyo wa mkoa inakuja siku chache baada ya mtu asiyejulikana kulipasua kwa makusudi bomba la maji huko Nyamanzi wilaya ya Magharibi B, mkoa wa Mjini magharibi Unguja.

        Akizungumza katika eneo lilipotokea tukio hilo, Mhe. Ayoub amesema uchunguzi wa awali unaonesha  kua  chanzo  cha  tukio hilo ni  chuki  za  kisiasa ambazo zimepamba moto kutokana na kampeni za uchaguzi mdogo wa ubunge katika jimbo  la  Dimani.

        Aidha mkuu wa mkoa amefahamisha kuwa kamati ya ulinzi na usalama ya mkoa huo inaendlea na uchunguzi kumpata aliyehusika na tukio hilo huku akiwataka wale wote wanaojihusisha na vitendo vinavyoashiria uvunjifu kuacha mara moja kabla hawajachukuliwa hatua za kisheria.

        Tayari bomba lililoharibiwa limefanyiwa matengenezo ambapo wakazi wa eneo hilo wameiambia wamesema kuwa upatikanaji wa huduma ya maji imerudi katika hali yake ya kawaida.