Alhaji Bulembo ateuliwa kuwa Mbunge wa Bunge la Jamhuri wa Muungano wa Tanzania

Rais wa Jamhuri ya Muungano wa Tanzania Dkt. John Magufuli, amefanya uteuzi wa Wabunge wawili wa Bunge la Jamhuri ya Muungano wa Tanzania na Balozi mmoja.

 Alhaji Abdallah Majula Bulembo kushoto ambae jana ameteuliwa kuwa mbunge na  hii ni moja ya picha aliyowahi kupiga na Raisi Magufuli

Wabunge walioteuliwa ni Alhaji Abdallah Majula Bulembo na Prof. Palamagamba John Aidan Mwaluko Kabudi.

Wabunge wateule hawa wataapishwa kwa taratibu za Bunge la Jamhuri ya Muungano wa Tanzania.

Aidha, Mhe. Rais Magufuli amemteua Benedicto Martin Mashiba kuwa Balozi.

Kituo cha kazi na tarehe ya kuapishwa kwa Balozi Mteule Benedicto Martin Mashiba itatangazwa baadaye.