SEHEMU YA 7:TETEMEKO LA MOYO CHANZO CHA YOTE

                                                       SEHEMU YA SABA

Yale maneno hayakuwa msumali tu kwangu na kumbe yalikuwa ya kichoma choma vibaya mno, namna nilivyokuwa nikiyaongea nilishangaa mama machozi ya kimtoka. Nilisita kidogo kumalizia yale maneno ambayo yalikuwa yakinitoka hata sikujua kama niliyapangilia ama la maana niliona yanakuja kwenye kinywa changu na kuyatamka.

Nilikuwa kimya kidogo, nikiwa na mtazama mama kwa makini, nikitaka kusema jambo tena, ila kabla sijasema. Mama aliianza kuongea, maneno ambayo hakika sitakuja kuyasahau kabisa, najua mama yangu alikuwa akijua nini alichukuwa anakisema.

"Criss mwanangu we ni tegemeo langu sana kwa sasa we ndio
maisha yangu hakika mwanangu naomba uwe mbali sana na wanawake na kama utashindwa baba, kwa sababu najua sasa umekuwa mkubwa kwa sasa, basi baba yangu naomba ufanye uchaguzi sahihi. Yote kwajili ya maisha yako mwanangu nakupenda sana sipendi nikiona unapata tabu kama kaka yako Eddy.

Sijui nini kilimtokea hakuwa mtu, wanawake tulimlea vizuri sana mimi na marehemu Baba yako. katika misingi mizuri ya dini kama tulivyokulea wewe, lakini baba kupenda hakuna mwenyewe upendo wa kimapenzi unakujaga pasipo mwenyewe kutegemea.”, Alisita kidogo mama huku akinitazama, nikiwa kimya tu. Macho yangu yaliweza kubainia maneno yake yalikuwa yana maana kubwa sana katika maisha yangu.

Mama hakuishia hapo aliendelea baada ya kunitazama kwa muda kidogo. “Siwezi kumlaumu kwa jambo hilo na jua Bibilia inasema vyema Mungu alituleta dunia kwa jili ya mapenzi yake, nasi hatuna budi tupendane, tuzaliane ilituijaze dunia. Ila mwanangu chunga mwanamke utayekuja kumpenda hakikisha ni wa namna tofauti na mwenye upendo wa dhati na wewe”. Mama akuishia hapo, mara aliniuliza swali ni nikabaki  nakodoa macho huku nikiliona  nilikuwa katika mtihani mzito sana katika maisha yangu.

Sikuwa na la kujibu maana sikuwa na jua juu ya jambo lile, halikuwa swali lingine bali lilikuwa likiwa likimuhusu kaka Eddy. Nilitulia ndugu msikilizaji nikabaki kimya, kabisa kimya ambacho kilifukuzwa na maneno ya mama, huku akiyatalawa mazungumzo kwa kiasi kwamba nilibaki kuwa msikilizaji.

 “Sikiliza mwanangu Criss, katika maisha ya kaka yako Eddy yana siri nzito juu ya ndani yake, lakini kwa sasa sidhani kwa wakati wake wa wewe kuijua siri hiyo, wakati ukifika kila kitu kitakuwa wazi.
lakini kwa sasa hivi nitakuwa na kubebesha mzigo sana na chuki zisiokuwa na sababu cha msingi mwanangu”.

Mama aliongea kwa hisia mno sana, maneno yale, niliyapokea katika mtazamo ulijaaa udadisi kama kawaida yangu, sikuiacha hiyo tabia.

 
Juu ya neno siri tena si siri ya kawaida ni nzito kidogo jambo hilo lilinza kuleta walakini kidogo ndani ya kichwa changu. Jambo gani lililojificha juu ya kaka Eddy?, sasa ukawa mtihani ndani ya kichwa changu huku nikihitaji majibu yenye tija juu ya jambo lile, likionenakana muhimu sana katika maisha yangu. Maana mama alishawaniambia lazima angeweza kuniambia lakini si kwa mapema kama shauku yangu ya kutaka kufahamu ilivyokuwa ikiniongoza.

____________

Jina la Irene likarudi kichwani kwangu, ndugu msikilizaji, ni huyo Irene ambaye niliweza kufahamu kwa uchache yalikuwa yakimuhusu japo kuwa sura yake ilishapotea siku nyingi kichwani mwangu.
Niliitaji kumfahamu zaidi Irene, nilijiapiza kufatiria mwanzo mwisho kujua kilichopo nyuma ya lile.

Wakati huo nilikuwa kimya nikiendelea kumsikiliza mama alichokuwa anasema ndani ya kinywa chake, ilikuwa si kawaida kabisa kumuona mama yupo kwenye hali ile.

 
Kiukweli tangia kipindi chote cha likizo yangu, siku hiyo ilikuwa yupo tofauti sana hata hali ya uchangamfu ilimpotea. Jambo lile ilionekana lilimuumiza sana ndani ya moyo wake. Nilimjua mama si mtu wakupenda kuona mimi napata tabu, eti kisa kitu fulani.

Furaha yangu ndio furaha yake, huzuni yangu ndio huzuni yake.

 

"Nadhani umenielewa usifikiri chochote mwanangu Criss nipo pamoja na wewe sahau chochote kuhusu haya unajua vyema umebakisha siku chache ufanye mtihani wako wa kumaliza elimu ya kidato cha sita hivyo jaribu kutulia kupunguza mawazo yasio kuwa ya msingi yatakuharibia mambo yako mwanangu umenielewa?”. Aliniuliza mama nami nikamjibua kwa kutikisa kichwa kuonesha nimeelewa kile alichokuwa anazungumza katika yale mazungumzo.

_____

Wakati huo muda ulishaenda sana, na hata jua lilianza kuchoma choma na kuongeza joto mwili, kuikaribisha mchana wa siku hiyo.  Ni nyakati hizo ambazo mama aliniaga, na kuniachia pesa kidogo ya kufanya matumizi na yeye akilielekea kwenye mikutano yao ya kinamama.   

Nirejea chumbani kwangu punde mama aliponiacha, njaa haikuwa ikisumbua tumbo langu, ijapokuwa nilikuwa sijapata kuingiza chochote ndani yake.  Nilirudi ndani na kujitupa kitandani kwa mara nyingine.

Nikiwa kitandani kwangu nilitulia kimya ni kitafakari yale mama aliyoniambia muda mchache kabla ajatoweka kwenye macho yangu.  Nikiwa nayafikiria yale mazungumzo mara nikakumbuka lile jambo la siri. Nikajiuliza mara mbili ni siri gani hiyo?. Fikra zangu zikaonesha kunisaliti, kabla ya kuleta tumaini, tumaini ambalo pekee fikra zangu zikinikumbusha naweza kulipata ndani ya kijitabu alichokiandika  mwenyewe kaka Eddy pasipo kulewa kilikuwa na maana gani katika maisha yangu.

Macho yangu yakaanza kukitafuta wapi nilipokuwa nimekitupa, baada ya kumbukumbu zangu, kupotea mahala nilipokuwa nimekiweka. Maana nilipozoea kukiweka hakikuoneka. Mwanzoni niliona haitakuwa ngumu kukipata lakini kadri muda ulivyokuwa unaenda ndio ugumu ulizidi kuongezeka. Nilichanganyikiwa kwa kweli ndugu msikilizaji.