Kiongozi wa UKIP amtema mpenzi aliyesema watu weusi wana sura mbaya

Haki miliki ya pichaGETTY IMAGES / @JO_MARNEY

Image captionHenry Bolton na Jo Marney

Kiongozi wa chama cha UKIP Henry Bolton anasema kuwa amesitisha uhusiano na mpenzi wake baada ya yeye kuripotiwa kutoa maoni ya ubaguzi wa rangi kumhusu Meghan Markle.

Alisema kuwa mapenzi yao hayataendelea akiwa na wajibu kama kiongozi wa chama lakini hana nia ya kujiuzulu.

Jo Marney alikuwa ametuma ujumbe wa simu kuwa watu weusi wana sura mbaya na mpenzi wake Prince Harry ataichafua familia ya kifalme.

• Mataifa ya Afrika yamtaka Trump kuomba msamaha

Bw Bolton alisema kuwa ilikuwa kinyume na katiba ya chama cha UKIP kuonyesha fikra zozote za ubaguzi wa rangi.

Haki miliki ya pichaAFP

Image captionKiongozi wa UKIP Henry Bolton

Mwanajeshi huyo wa zamani alichukua usukani wwa chama cha UKIP kama kiongozi mwezi Septemba, na kuwa kiongozi wa nne kaitika kipindi cha miaka 18.

• Trump asema atamshinda Oprah Winfrey 2020

Bw. Bolton 54, alisema kuwa mwanamitindi huyo wa miaka miaka 25 alitimuliwa chamani mara moja baada ya chama kugundua kuhusu maoni yake.

Ujumbe huo ulitumwa wiki tatu baada ya wapennzi hao wawili kuanza uhusiano wao.