Catalonia kufanya uchaguzi wake mkuu leo

Image captionSerikali ya Madrid inasema hali sasa ni shwari

Raia wa Catalonia leo hii watachagua viongozi wao wapya, katika uchaguzi ambao serikali kuu ya Uhispania inaamini utamaliza msuguano wa kisiasa unaoendelea.

Serikali kuu ya Madrid iliuvunja utawala uliokuwepo awali, baada ya kuandaa kura ya maoni iliyotajwa kuwa haikufuata kanuni, iliyotaka uhuru wa eneo hilo.

Image captionWatu wengi wanatarajiwa kushiriki katika uchaguzi huu

Rais wa Catalonia aliyeondolewa madarakani, Carles Puigdemont, amekuwa akiendeleza kampeni zake za kujitenga na Madrid akiwa uhamishoni chini Ubelgiji kwa kupitia mitandao ya kijamii.

Image captionMwezi Oktoba yalifanyika maandamano makubwa ya Catalonia kutaka kujitenga na Hispania

Takwimu zinaonyesha kuwa vyama vinavyotaka kujitenga na vile vinavyotaka kusalia kwenye serikali ya Madrid vinalingana katika kura za maoni.

Mawaziri wawekwa kizuizini Catalonia

Hali ya kisiasa si shwari Catalonia

Kiongozi wa Catalonia aliyefutwa "aenda Ubelgiji"

Mwandishi wa BBC wa eneo hilo anasema kuna kila dalili uchaguzi huu ukaibua tena hisia za kutaka kujitenga kuliko kutatua matatizo.