Raia wa mataifa 7 ya Waislamu sasa kuingia Marekani

 

Mwanafunzi wa Iran Benham Prtopour baada ya kuruhusiwa na idara ya uhamiaji nchini Marekani kuelekea Boston

Jaji mmoja wa Marekani amesimamisha kwa muda utekelezaji wa amri ya Rais Donald Trump ya kuwazuia raia kutoka mataifa saba, yaliyo na raia wengi wa imani ya Kiislamu kuingia nchini Marekani.

Jaji wa Seattle alipuuzilia mbali sababu zilizotolewa na mawakili wa Serikali na kusema kuwa amri hiyo inaweza kusimamishwa mara moja huku kesi hiyo ikiendelea kusikilizwa mahakamani.

Serikali inatarajiwa kukata rufaa ya dharura dhidi ya uamuzi huo wa mahakama, ambao ni changa moto kubwa kwa utawala wa Trump.

• Trump kuwazuia wahamiaji kuingia Marekani
• Donald Trump kuwarejesha wahamiaji kwao
• Jaji apiga marufuku amri ya Trump kurudisha wahamiaji makwao
• Amri ya Trump: Ni nani anaathirika?
• EU: Donald Trump ni tishio kwa Ulaya
• Trump: Mexico watalipia ukuta '100%'

Serikali ya Marekani inasema kuwa makumi ya maelfu ya visa zimefutiliwa mbali tangu rais Trump kutia sahihi amri ya kupunguza idadi ya watu wanaopaswa kuingia nchini Marekani juma lililopita.

Wakati huohuo waziri Mkuu wa zamani wa Norway, Kjell Magne Bondovik, alisema kuwa alizuiwa katika uwanja mmoja wa ndege mapema juma hili, katika tukio alilosema ni la uchokozi, kwa sababu eti alikuwa na visa ya Iran katika paspoti yake.