Nchi za ukanda wa kusini magharibi mwa bahari ya hindi zimetakiwa kuandaa sheria zenye kuleta tija katika uvuvi na kunufaisha nchi wanachama

Nchi za ukanda wa kusini magharibi mwa bahari ya hindi zimetakiwa kuandaa sheria zitakazokuwa na uwiano katika nchi wanachama ili uvuvi katika bahari kuu kuwa wa mafanikio

           

        Akizungumza kwa niaba ya waziri wa kilimo, maliasili, mifugo na uvuvi Visiwani Zanzibar, Mh Hamad Rashid, Naibu  katibu mkuu anaeshuhulikia mifugo na uvuvi Dk Islam Salum Seif amesema uwiano huo wa sheria unapaswa kujadiliwa kwakina na nchi wanachama ili kuwa na uvuvi wenye tija.

Nae mkurugenzi mkuu wa mamlaka ya uvuvi wa bahari kuu Tanzania Hosea Mbilinyi amezitaja changamoto zinazozikabili nchi wanachama ni pamoja na viwango tofauti vya leseni miongoni mwa nchi wanachama hatua inayotoa mwanya kwa wamiliki wa meli za uvuvi kutoka nje kuchagua nchi ya kwenda kwa lengo la kufuata kiwango cha chini cha leseni.

        Mkutano huo wa siku tatu wa wadau wa uvuvi wa bahari kuu kutoka nchi wanachama, ukanda wa kusini magharibi mwa bahari ya hindi unafanyika katika hoteli ya Marumaru mjini Unguja.

Nchi wanachama ni pamoja na Tanzania, Kenya, Somalia Comoro, Msumbiji, Yemen na jamhuri ya Afrika ya kati.