Kamati za maji kata ya Mlimani, Tanga watakiwa kuwasomea wananchi mapato na matumizi

Kamati za maji katika mitaa ya Kata ya Mlimani, Halmashauri ya Mji wa Handeni, zimetakiwa kuwasomea wananchi mapato na matumizi yatokanayo na mradi huo.

Akizungumza na wananchi waliojitokeza kuunda kamati mpya ya maji ya Mtaa wa Kwasindi jana, Diwani wa kata hiyo, Mwajabu Suphiani amesema tatizo la kamati nyingi hujisahau kuwa zimewekwa na wananchi.

Amesema imekuwa desturi kila kamati inayoundwa kukumbwa na tatizo la kushindwa kuwasomea wananchi  mapato na matumizi ya mradi, huku
wengine wakipingana na viongozi wao kuhusu uwazi wa matumizi ya fedha hizo ambazo ni za wananchi.

Hivi karibuni, Mbunge wa Handeni Mjini, Omari Kigoda ameagiza kama kamati hizo zimeshindwa kusoma mapato na matumizi zivunjwe na ziundwe
nyingine.