Chama cha Mapinduzi CCM
kimewashukuru watanzania kwa kukipa ushindi mkubwa katika chaguzi ndogo za
madiwani na ubunge zilizofanyika mwishoni mwa wiki huku kikiweka hadharani siri
ya ushindi.
Akizungumza na
vyombo vya habari katika ofisi ndogo za makao makuu ya CCM Lumumba Dar es
Salaam, Katibu wa Itikadi na Uenezi wa chama hicho Humprey Polepole
amesema ushindi huo ni ishara tosha ya jinsi ambavyo watanzania wana imani na
chama hicho, na kwamba kuna siri mbili kubwa zilizokipa chama hicho ushindi.
Amezitaja siri hizo
kuwa ni pamoja na Mageuzi makubwa ndani ya chama hicho yanayolenga kukirudisha
chama hicho kwa wanachama pamoja na kushughulika na shida na kero za watu
umefanya watanzania wakielewe zaidi chama hicho.
Jambo jengine
alilolitaja ni kazi nzuri ya
serikali ya awamu ya tano chini ya Rais Magufuli ambaye tangu amepewa
dhamana ya kuiongoza Tanzania ametekeleza kwa kiasi kikubwa ahadi nyingi
alizoahidi ikiwemo ya kupambana na rushwa na ufisadi ikiwa ndiyo kazi ya kwanza
aliyoanza nayo.
Polepole ametaja
ahadi nyingine ambazo zimekuwa ni kivutio kikubwa na kuwafanya watanzania
wakipe ushindi chama hicho ni utoaji wa elimu bure, ujenzi wa viwanda,
miundombinu ikiwemo ununuzi wa ndege na zaidi ya yote kuwasikiliza wananchi na
kero zao.
Polepole amesema
chama hicho kinaendelea na mageuzi ya kiuongozi ili kukifanya kiweze kurudi
kwenye misingi yake kwa kuwa na viongoz waadilifu, na wachapakazi, huku
kikiendelea kutoa maelekezo kwa serikali kuhusu kuwatumikia wananchi jambo
ambalo anaamini kuwa litafanya watanzania waendelelee kukipenda licha ya
kubezwa na vyama visivyo kuwa CCM.
Katika chaguzi hizo,
CCM imeshinda kwenye kata 19 kati ya kata 20 nchi nzima pamoja na kushinda
ubunge katika jimbo la Dimani Zanzibar
Post a Comment