Kiungo mshambuliaji wa Yanga, Simon Msuva, amewaambia Simba
kwamba mzunguko wa pili wa Ligi Kuu Bara wasahau kabisa kutesa kama
ilivyokuwa mzunguko wa kwanza.
Msuva ambaye mpaka sasa ana mabao saba katika ligi hiyo,
ameisaidia Yanga kumaliza mzunguko wa kwanza ikiwa na pointi 33 nyuma ya
Simba yenye 35, huku timu hizo zote zikipoteza michezo miwili mpaka
sasa.
Msuva ameliambia gazeti hili kuwa, mzunguko wa pili
watafanya jitihada zote kuhakikisha wanaipindua Simba kwenye nafasi hiyo
na kuikamata wao mpaka mwisho wa msimu.
“Simba wamekaa nafasi yetu na nawaambia mzunguko wa pili
tutafanya kila liwezekanalo kuhakikisha tunawatoa hapo, tukikaa sisi
hatutoki mpaka msimu unamalizika kwani tumedhamiria kuutetea ubingwa
wetu,” alisema Msuva ambaye ni Mchezaji Bora wa Ligi Kuu Bara mwezi
Oktoba.
Post a Comment