Mratibu wa Bak aids ngazi ya wilaya bwana Rajib Twalib
Taasisi inayohusika na kusaidi
watoto waishio katika mazingira hatarishi wilayani Liwale mkoanio Lindi
ijulikanayo BAK AIDS yasema itajitahidi kuhakikisha inazisaidia kaya hizo za
watoto waishio katika mazingira hatarishi na kuwawekea misingi mizuri ili muda wao
utakapokwisha bado kuwe na manufaa ya uwepo wao.
Taasisi hiyo
iliyochini ya mwamvuli wa baraza la waislam Tanzania Bakwata huku likifadhiliwa
na watu wa Marekani lengo likiwa ni kusaidia watoto waishio katika mazingira
hatarishi yaani pamoja tuwalee.
Akizungumza na Liwale Blog
mratibu wa Bak aids ngazi ya wilaya bwana Rajib Twalib amesema taasisi hiyo
imeanza kufanya kazi wilayani Liwale tangu machi mwaka 2013 ikishirikiana na
serikali za vijiji kwa ajili ya kuwapa walengwa hao,huku akitaja misaada
wanayoitoa kuwa ni afya,chakula lishe,elimu,msaada wa ulinzi,malanzi pamoja na huduma za ukuzaji wa kaya kwa
kuunda vikundi vya vikoba kwa ajili ya kujiwekea akiba zitakazowawezesha kukopa
na kuanzisha mitaji kwa ajili ya biashara .
Twalib
alibainisha kuwa hapa wilayani kuna jumla ya vikundi 74 huku vikundi 50 vikiwa
vimesajiliwa na vingine zipo katika hatua za usajili na kusema kuwa
watahakikisha kabla ya muda wao kuishia vikundi hivyo vyote vitarasimishwa kwa
serikali ili viweze kutambuliwa hata zikitokea taasisi zingine kuja kutoa
misaada tayari serikali itakuwa ina watu walio katika vikundi na watu hao
kupata misaada kama vile kuwawezesha mikopo ya biashara.
Afisa mradi huo
bwana Mauridi Mpalama amesema majukumu yao kama bak aids ni kuhakikisha
wanahamasisha walengwa wazazi na walezi wa watoto hao juu ya umuhimu wa vikundi
huku akizitaka jamii kuhudumia familia zao,kuwataka wazazi kulea watoto wao
huku watoto waliochini ya miaka miaka mitano kuwapeleka watoto wao kliniki na
kuzitaka serikali za vijiji wilayani Liwale kutetenga bajeti kwa ajili ya kuwahudumia
watoto.
Post a Comment