Elimu bure Halmashauri ya Kilwa,mkoani hapa Lindi inakabiliwa
na changamoto mbalimbali ikiwemo wazazi
na walezi kususia kuchangia huduma
za kielimu na kusababisha shule nyingi
kukosa miundombinu mizuri,ikiwa ni
pamoja na ukosefu wa vyoo ,madawati,vyumba vya madarasa na nyumba za kuishi
watumishi wake.
Hayo yamebainishwa na wananchi wa kijiji cha Chumo wilayani
Kilwa kwenye kikao cha uhamasishaji
elimu uliofanywa na wadau wa elimu kwenye Maazimisho ya juma la Elimu kitaifa
lilofanyika wilayani humo kwa ufadhili (Tanzania Education Newtwork )Mtandao wa
Elimu Tanzania TEN/MENT.
Akizungumza kwa niaba ya wananchi hao Jafari
Lichingu alisema hali ya elimu katika katika kijiji na kata ya Chumo,siyo ya kuridhisha
kutokana na changamoto zilizopo ambazo bado hazijaweza kupatiwa ufumbuzi wake ikiwemo
elimu kwa wazazi na walezi juu ya kauli
ya elimu bure.
Lichingu amezitaja changamoto hizo kuwa ni pamoja na
ukosefu wa vyoo,upungufu mkubwa wa madawati,vyumba vya madarasa na nyumba za
kuishi walimu na vyooo kwa matumizi ya wanafunzi.
Alisema kutokana na mapungufu hayo, wanaiomba serikali kuelimisha jamii kuhusu maana ya elimu bure na kuwahamasisha
wananchi kushiriki katika ujenzi wa madarasa,vyoo na nyumba za kuishi watumishi
wa Idara hiyo.
Viongozi wakitoelimu
maana ya elimu bure jamiii
inaweza kubadilika na kurudisha hali na dhamira ya kujitolea milango”Alisema Lichingu.
Kwa upande wake Kaimu Afisa Elimu wilaya Kilwa Salamu
Nampoto alikiri kuwepo kwa mkanganyiko
wa kauli ya elimu bure
na elimu inahitaji kutolewa kwani
michango iliyoondolewa ni ile
inayo mgusa mtoto moja kwa moja kama vile ya uandikishaji.
Nampoto alisema michango inayogusa jamii kuchangaia shule yao haijafutwa
hivyo ni wajibu wa wazazi na
walezi kuboresha shule zao kwa kufanya
michingo kwani shule ni mali ya
jamii sio serikali.
Post a Comment