Meya Ilala aagiza wauguzi 3 wa hospitali ya Amana kuchukuliwa hatua kwa uzembe.

Mstahiki Meya wa Ilala Mh.Charles Kuyeko amemwagiza Mganga Mkuu wa halamashauri ya Ilala Bi.Victorina Ludovick kuwachukulia hatua kali wauguzi watatu waliofanya uzembe na kusababasha kifo cha mwendesha bodabada Nasoro Hamisi aliyepigwa risasi na majambazi.

Akizungumza na vyombo vya habari Jijini Dar es Salaam leo amesema haiwezekani kuwavumilia watumishi wa serikali wazembe na wanaokiuka maadili ya kazi.

 

Naye Filbert Gikanka ambaye alimkimbiza hospitalini marehemu Nasoro Hamisi katika hospitali ya Amana amesema mhudumu wa zamu alikataa kumpokea mgonjwa aliyekuwa anavuja damu nyingi na kutaka alipwe fedha shilingi elfu ishirini ili damu ipatikane na mgonjwa aliendelea kuvuja damu nyingi na hatimaye kufariki baada ya muda mchache.