Meneja wa England awaruhusu wachezaji kufanya tendo la ndoa Euro 2016

Wake na wachumba wa wachezaji wa timu ya taifa ya England watakuwa wakielekea kwenye Euro 2016 baada ya Roy Hodgson kuondoa katazo la tendo la ndoa kwa wachezaji wa England.

Timu ya England watapewa nafasi ya kupumzika kwa siku moja wakati wa kipindi cha hatua ya makundi. Inaaminika kwamba wachezaji wengi watatumia siku hiyo na wake na mademi zao baada ya meneja Roy Hodgson kutoa ruksa ya kukaa na familia zao.

Siku moja baada ya mechi yao dhidi ya waingereza wenzao Wales mnamo June 17 wachezaji watapewa nafasi ya kukutana na wenza wao.

Roy – Ambaye alitangaza kikosi cha wachezaji 26 jana – alisema; “Nawaamini wachezaji wangu. Nadhani watafanya kazi yao na pale wanapokuwa hawapo uwanjani huwa wanafikiria na kujiandaa na michezo iliyo mbele.”

Ruhusa ya Hodgson kwa wenza wa wachezaji kunamaanisha kwamba wenza wa wachezaji kama Wayne Rooney – Coleen, mke wa Jamie Vardy Becky Nicholson na Mpenzi wa Harry Kane – Kate Goodland nae atasafiri kwenda Ufaransa.

Wenza wa wachezaji wa England walisemwa vibaya kwa kuchangia timu yao kutolewa katika michuano ya 2006 World Cup huko Germany.

Jambo hilo lilichangia aliyekuwa kocha wa timu hiyo Fabio Capello kuwakataza wenza wa wchezaji kusafiri na waume zao kwenda kwenye mashindano.

Kocha wa Wales Chris Coleman kwa upande wake amewakataza wenza wake wa wachezaji kwenda kwenye mashindano hayo.