CUF YAIBWAGA CCM KESI YA UPINGAJI MATOKEO YA UCHAGUZI JIMBO LA LIWALE

 Wakili Moses Mkapa (kushoto) akipeana mikono na mteja wake Mbunge wa jimbo la Liwale,Zuberi Kuchauka

Kesi ya upingaji matokeo ya ubunge katika jimbo la Liwale mkoani Lindi iliyofunguliwa na aliyekuwa mbunge wa zamani jimbo hilo mwaka 2010-2015 Mh.Faith Mitambo (ccm) baada ya kushindwa kupata kura za kutosha na kushindwa kutetea kiti hicho na kushinda mpizani wake Mh.Zuberi Kuachauka (Cuf) leo imefutwa rasmi na jaji aliyekuwa anasikiliza kesi hiyo na kumpa ushindi mh.Zuberi Kuchauka  baada ya mlalamikaji kushindwa kutokea mahakamani.Aliyekuwa mbunge wa zamani wa jimbo la Liwale mwaka 2010-2015 mh.Faith Mitambo

Mahakama kuu  kanda ya  kusini  imelitupa mbali Shauri la   mgombea ubunge jimbo la Liwale mh. Faith  Mitambo la  kupinga  matokeo ya  ushindi wa  mbunge wa  jimbo hilo  Zuberi Kuchauka (CUF)

shauri hilo Namba 2 la mwaka 2015, pamoja na mambo mengine Mitambo alikuwa akipinga ushindi wa Kuchauka (CUF) akidai kuwa taratibu kadhaa cha uchaguzi zilikiukwa.

Mitambo alilalamika  kuwa kuna  baadhi ya  taratibu zilikiukwa  akidai kuwa Kuchauka  alifanya kampeni siku ya uchaguzi na  kwenye baadhi ya vituo vya kupigia kura idadi ya wapiga kura ilikuwa kubwa kuliko waliojiandikisha

Akisoma hukumu ya shauri hilo jana, Jaji wa Mahakama Kuu ya Tanzania, Rehema .K Mkuye, alisema ametupilia mbali kesi hiyo baada ya mlalamikaji pamoja na wakili wake kushindwa kufika mahakamani katika muda uliopangwa bila kutoa taarifa yoyote.

Jaji Mkuye alisema kwa mujibu wa kanuni ya 27 (1) ya kanuni ya sheria ya uchaguzi GN namba 447 ya mwaka 2010, inasema wazi kuwa endapo mlalamikaji katika mashauri ya aina hiyo atashindwa kufika mahakamani bila taarifa, kesi yake huwa inaondolewa mahakamani.

Alisema pamoja na kuiondoa kesi hiyo mahakamani, mlalamikaji atakazimika kulipa gharama za shauri hiyo ya kupinga matokeo.

Mapema Wakili wa Serikali, Peter Maugo aliiomba mahakama kulitupilia mbali shauri hiyo kutokana na upande wa mlalamikaji kushindwa kufika mahakamani hapo kama ilivyopangwa.

Katika sheuri hilo, Wakili Maugo alishirikiana na wakili mwingine wa serikali Charles Mtaye ambapo pamoja waliungana kumuomba Jaji Mkuye kulitupilia mbali shauri hili kwa sababu limekosa mashiko.

Akizungumza muda mfupi baada ya kesi hiyo kuamriwa, Wakili wa Kujitegemea wa upande ulioshinda (mlalamikiwa), Moses Mkapa alisema shauri lilikwenda vizuri na kwamba matokeo ya ushindi kwa mteja wake umempa faraja.

"Kesi imekuwa na mwenendo mzuri na kabla ya uamuzi wa leo (jana), pande zote husika zilikubaliana mahakamani hapo Aprili 12 kwamba shauri lingeanza kusikilizwa jana kuanzia saa 2:00 asubuhi, lakini hadi kufikia saa 4:45 upande wa mlalamikiwa hakukuwa na mtu hata mmoja mahakamani," alisema Mkapa.

Kwa upande wake mbunge  mlalamikiwa   Zuberi kuchauka  ,alisema kuwa  haki imetendeka na ana mshukuru mungu  kwa ushindi aliopata na kwamba mahakama imetenda haki yake.