Makaburi yaliyo na 'ujumbe kutoka kuzimu' yagunduliwa Misri

Haki miliki ya pichaREUTERS

Makaburi ya zamani ambayo yana majeneza kadha yaliyotengenezwa kwa mawe, na mkufu ulio na "ujumbe kutoka kuzimuni" vimegunduliwa nchini Misri.

Ugunduzi huo umefanywa Minya, kusini mwa Cairo. Makaburi yaliyogunduliwa ni ya zaidi ya miaka 2,000 iliyopita na shughuli ya ufukuzi inatarajiwa kuchukua miaka takriban mitano.

• Ni kwa nini wacheza utupu huhudhuria mazishi nchini China
• Mwanamke atumia mbegu za kiume za mwanawe aliyefariki kupata wajukuu

Haki miliki ya pichaREUTERS

Waziri wa mambo ya kale Misri Khaled al-Enany amesema makaburi hayo yana majeneza 40, vito, vyungu na barakoa ya dhahabu.

Amesema kuna mashimo ya kuwekwa majeneza chini ya ardhi ambayo ni ya enzi za Mafirauni hadi enzi za Wagiriki mnamo mwaka 300BC hivi.

"Huu ni mwanzo tu wa ugunduzi huu mpya," aliwaambia waandishi wa habari.

"Karibuni tutaanza kuongeza kivutio kingine cha mambo ya kale Misri."

Haki miliki ya pichaREUTERS

Mostafa Waziri, mkuu wa ufukuzi huo, amesema makaburi manane yaligunduliwa katika kipindi cha miezi mitatu iliyopita lakini anatarajia mengine zaidi yagunduliwe.

"Shughuli ya ufukuzi inapangiwa kuendelea kwa miaka mitano hivi katika jaribio la kufukua eneo lote la makaburi," amesema.

• Mji wa kale sana wagunduliwa Misri
• Nyayo za wanadamu wa kale zagunduliwa Tanzania

Bw Waziri amesema mengi ya makaburi na vitu vya kale vilivyogunduliwa ni vya makasisi wa miungu wa zamani wa Misri kwa jina Thoth.

Haki miliki ya pichaEPA

Magudulia manne yenye vifuniko ambayo yamehifadhiwa vyema yameundwa kuwa na muonekano wa wana wanne wa kiume wa miungu Horus pia yaligunduliwa.

"Bado magudulia hayo yana viungo vya ndani ya mwili vya marehemu vilivyohifadhiwa vyema ndani. Magudulia hayo yamepambwa kwa maandishi ya kale yanayoonesha majina na vyeo vya wahusika," amesema Bw Waziri.

Ameeleza sdfa ya kugunduliwa kwa mkufu huo Mkesha wa Mwaka Mpya ukiwa umeandikwa ujumbe "kheri ya mwaka mpya" ni ya ajabu.

"Huu ni ujumbe uliotumwa kwetu kutoka kuzimuni," amesema.

Haki miliki ya pichaEPA

Mapema mwezi huu, wanaakiolojia waligundua kaburi la kasisi wa kike ambaye alizikwa miaka 4,400 iliyopita.

• Nyayo za wanadamu wa kale zagunduliwa Tanzania

Kaburi hilo lilikuwa limehifadhiwa vyema na lilikuwa na picha ya ukutani ya kasisi huyo, Hetpet, zikimuonesha akitekeleza shughuli mbalimbali.

Picha/EPA