Meneja wa teknolojia wa tume ya uchaguzi Kenya atoweka

Haki miliki ya pichaAFP

Image captionMwenyekiti wa IEBC nchini Kenya Wafula Chebukati

Tume huru ya uchaguzi na mipaka nchini Kenya IEBC, imesema kuwa mmoja wa mameneja wake wa masuala ya teknolojia hajulikani aliko.

IEBC inasema kuwa mtu huyo alionekana mara ya mwisho siku ya Ijumaa jioni.

Mawasiliano ya mwisho kutoka mwa mtu huyo aliyafanya siku ya Jumamosi mwendo wa saa tisa alifajiri kupitia ujumbe wa SMS na mmoja wa wafanyakazi wenzake.

• Uchaguzi Kenya 2017: Darubini kupitia vijana watatu
• Upinzani kuhesabu kura katika uchaguzi Kenya
• Upinzani wapoteza kesi nyengine ya uchaguzi Kenya
• Tume ya uchaguzi Kenya yashinda rufaa kuhusu karatasi za kura

Aliyoandika kwenye ujumbe huo yalionyesha kuwa alikuwa akijielewa na alikuwa na mipango ya siku.

Ripoti tayari imepelekwa kwa polisi huku IEBC, familia yake na pia polisi wakishirikiana kujaribu kubainia aliko.

Kisa hiki kinatokea ikiwa imesalia juma moja kabla ya kufanyika kwa uchaguzi mkuu nchini Kenya ambao utafanyika tarehe 8 Agosti.