Wazazi wilayani Liwale watakiwa kuwalea watoto kwa kufuata maadili mema

Wanafunzi wa shule ya msingi Liwale mkoani Lindi walioudhulia siku ya mtoto Afrika jana juni 16 maazimisho yalifanyika shule hapo.

 Mkurugenzi wa Halmashauri ya wilaya ya Liwale,Justin Monko

 Afisa maendeleo wa wilaya ya Liwale,mama Mary Ding'ohi

 Wanafunzi wa shule ya msingi Liwale wakikabizi risara kwa mgeni rasmi mhe. Joseph Joseph Mkilikiti

 Mgeni rasmi mkuu wa wilayani ya Ruangwa mhe. Joseph Joseph Mkilikiti

Wazazi pamoja na jamii wilayani Liwale mkoani Lindi wametakiwa kuwatunza watoto wao kwa kufuata maadili mema na  kuwapatia huduma zote za kimsingi ili kuweza kuwaandaa watoto hao kuwa raia wema.

Wito huo umetolewa jana juni 16 kwenye maazimisho ya siku ya mtoto Afrika yaliyofanyika katika shule ya msingi Liwale na mgeni rasmi mkuu wa wilayani ya Ruangwa mhe. Joseph Joseph Mkilikiti kwa niaba ya mkuu wa wilaya wa Liwale,mhe. Sarah Chiwamba.

Jamii ina wajibu wa kushirikiana na wazazi katika kuwalea watoto na kuondokana na zana ya mtoto ni baba na mama hivyo kila mzazi anawajibu wa kuwalea watoto katika muongozo na kuhakikisha wazazi kuwapeleka watoto kupata elimu.

Mkilikiti amesema viongozi wanatakiwa kuhakikisha watoto wanaenda shule na amemwagiza kamanda wa polisi wilayani hapa kuwachukulia hatua za kisheria wazazi wote wasiowapeleka watoto wao shule kupata elimu kwani wazazi wasiopenda kuwapeleka watoto wao shule wanawanyima haki zao za kimsingi.

Maazimisho ya Mtoto Afrika mwaka 2017  likiwa limebeba kauli mbiu isemayo "Agenda ya 2030 ya Maendeleo Endelevu ya watoto katika Afrika: Kuongeza kasi ya ulinzi, uwezeshaji na fursa sawa kwa watoto Afrika".