Taasisi za umma na binafsi Zanzibar zatakiwa kutoa mafunzo ya kupambana na Rushwa

Taasisi za umma na za binafsi Visiwani Zanzibar zimetakiwa kuendesha mafunzo kupambana na vitendo vya rushwa katika taasisi zao ili kukabiliana na vitendo hivyo Zanzibar.

                          

        Afisa uhusiano mamlaka ya kuzuia rushwa na uhujumu uchumi Zanzibar ZAECA Mwanaidi Suleiman amesema kuendelea kuwepo kwa vitendo vya rushwa katika taasisi hizo kunatokana na wafanyakazi katika taasisi hizo kukosa taaluma ya vitendo hivyo.

        Ameongeza kuwa takwimu zinaonesha asilimia ya vitendo vya rushwa kwa upande wa Zanzibar ipo chini hivyo ZAECA wanaangalia namna ya kuondoa kabisa vitendo hivyo.      

        Aidha afisa huyo ametoa rai kwa jamii kuacha muhali juu ya vitendo vya rushwa na badala yake  kuripoti vitendo hivyo katika mamlaka zinazohusika ili wachukuliwe hatua husika.