Waziri wa kilimo,Zanzibar ataka wananchi waelimishwe kuhusu ufugaji wa viumbe bahari

Waziri wa Kilimo Maliasili Mifugo na Uvuvi Zanzibar Hamad Rashid ametoa rai kwa taasisi husika kuwaelimisha wananchi kuhusiana na ufugaji wa viumbe vya baharini pamoja kilimo cha mazao ya baharini kama vile mwani.

        Akizungumza na wanachama wa kikundi cha ushirika wakulima hai kinachojihusisha na ufugaji wa majongoo ya baharini huko Kilimani mjini Unguja, amesema hatua iliyofikiwa na kikundi hicho chenye mwaka mmoja tangu kuanzishwa kwake ni ya kupigiwa mfano kutokana kutekeleza adhma ya Serikali kwa wananchi kutumia rasilimali za Baharini kujikwamua kiuchumi.

        Aidha ameahidi kushirikiana na viongozi wa kikundi hicho kuhakikisha wanapata usajili wa kikundi chao, kuwatafutia masoko ya kuuza bidhaa zao pamoja na kuwasaidia kupata mikopo katika taasisi za kifedha ikiwemo mabenki.

        Awali ukimkaribisha waziri uongozi wa kikundi hicho  umesema kusua sua kwa kukundi chao inatokana na kukabiliwa na ukosefu wa taaluma ya ufugaji.