Vijana wanaopata fursa nje ya Nchi watakiwa kutoa taarifa zao kwa Serikali

SERIKALI ya mapinduzi Zanzibar imewataka vijana wanaopata fursa ya kufanya kazi nje ya nchi kuhakikisha taarifa zao zinaifikia Serikali kabla ya kuanza kutumikia majukumu yao.

Waziri wa kazi, uwezeshaji, wazee, vijana, wanawake na watoto  Moudlin Castiko ametoa rai hiyo alipokuwa akizungumza na waandishi wa habari ofisini kwake Mwanakwerekwe, Zanzibar kuhusu ziara yake ya siku tano nchini Quatar, na kukutana na maafisa mbalimbali wenye dhamana ya masuala ya kazi, mawasiliano na uchukuzi.

Amesema wamekubaliana kuongeza  fursa  nyingi  za  kazi katika sekta  ya  ufundi, madawa, kazi  za  hudma , ulinzi  na ujenzi   pamoja  na masuala ya anga kutokana na taifa hilo kuwa  na fursa  nying  za ajira.

Amefafanua kuwa kwa  mujibu  wa  mkataba na  taratibu  zilizokubaliwa, vijana watakaopata fursa za ajira  malipo  ya  usafiri, viza  na  mambo mengineyo  yatalipwa  na  waajiri  au  serikali  ya  Qatar.

Mhe. Castiko ameongeza kuwa tayari viza  za  madereva   100 zimeidhinishwa  na baaada  muda  mchache  zitakamilika  na  kuwapeleka  vijana  hao  nchini  humo.

KUNA vijana wa kitanzania wasiopungua elfu moja wanafanya kazi nchini Quatar.