Trump kuondoa sheria ya afya ya Obamacare Marekani

Kuondoa sheria hiyo ilikuwa moja ya vipaumbele vya Trump alipokuwa akiwania urais

Makamu wa Rais mteule wa Marekani Mike Pence amesema mchakato wa kufutilia mbali sheria ya afya iliyoanzishwa na Obama utaanza siku ya kwanza Donald Trump atakapoingia madarakani.

Baada ya mkutano na wanachama wa Republican na viongozi katika bunge la congress,Pence amesema Rais mteule alikuwa anashughulikia sheria mahususi zinazohusika ili kuruhusu mabadiliko kuelekea katika mfumo mpya wa sheria za afya.

• Familia ya Donald Trump: Wake na watoto

Lakini amesema mbivu na mbichi zitajulikana baada ya miezi kadhaa.
Msemaji wa serikali Paul Ryan amesema atahakikisha kwamba hapatakuwapo mtu yeyete atakayewaangusha.

 

Makamu wa Rais mteule wa Marekani Mike Pence

Bw Trump amesema kwamba wanachama wa Republican wanatakiwa kuhakikisha kwamba wanachama wa Democratic wanalaumiwa kwa kile alichokitaja kama 'Maafa ya sheria ya afya yaliyoanzishwa na Barack Obama'.

• Trump: Mamilioni wasiofaa kupiga kura walipiga

Lakini kiongozi wa chama cha Deomocratic katika bunge la senati Chuck Schumer amesema chochote kilichotokea ni jukumu la Republican jambo ambalo ni wazi na rahisi.