Baada ya Makaidi kufa, UKAWA Wapata mwenyekiti mwenza Mpya

Baada ya chama cha NLD kutokuwa na mwenyekiti kwa miezi kadhaa sasa kufuatia kifo cha aliyekuwa Mwenyekiti wa chama hicho Emmanuel Makaidi, Kamati Kuu ya chama hicho imemteua Oscar Emmanuel Makaidi kuwa mwenyekiti wa NLD.

Oscar Makaidi amejitangaza rasmi leo katika mkutano wa Umoja wa Katiba ya Wananchi (Ukawa) na waandishi wa habari uliofanyika jijini Dar es Salaam.

Amesema kamati kuu ya NLD ilikaa kikao Aprili 27,2016 na kumteua kuwa mwenyekiti wa chama hicho ambapo anaziba pengo lililoachwa na marehemu baba yake.

Ukawa pia imemtangaza rasmi Oscar Makaidi kuwa mwenyekiti mwenza wa umoja huo kupitia chama cha NLD.