NA KENNETH NGELESI,MBEYA
BARAZA
la madiwani la Halimashauri ya Mbeya limewafukuza kazi watumishi watatu
kwa tuhuma za ubadhilifu katika zaidi ya shilingi milioni 500
zilizotolewa kwa ajili ya utengenezaji wa madawati na miradi ya maji
katika Halmashauri.
Kadhalika,
madiwani hao wamemvua madaraka na kutoa onyo kwa watumishi wengine
kutokana na kushindwa kutekeleza na kusimamia majukumu yao kwa mujibu wa
taratibu na muongozo wa kazi zao.
Akitangaza
uamuzi huo jana kwenye kikao cha baraza la madiwani, ikiwa ni muda
mfupi baada kujigeuza kama kamati, Mwenyekiti wa Halmashauri hiyo,
Mwalingo Kisemba, alisema hatua hiyo imetokana na mapendekezo ya tume ya
uchunguzi baada ya Mkaguzi wa ndani kuibua hoja .
Aliwataja
watumishi hao watatu waliofukuzwa kazi kuwa ni Mweka hazina wa
Halmashauri hiyo, Hafidhu Mgagi, Ofisa elimu Msingi, Beth Mlaki, pamoja
na Eliada Misana ambaye ni Kaimu Ofisa Ugavi.
Alisema
watumishi hao walibainika kuhusika na ubadhirifu wa fedha za umma
zilizotolewa kwa ajili ya miradi ya maji na utengenezaji wa
madawati,zikiwemo pia fedha za mishahara ya walimu.
“Kamati
ya fedha iliunda tume ya kuchunguza tuhuma mbalimbali za ubadhirifu wa
fedha za umma ambazo miongoni mwake zilikuwepo fedha za mishara ya
walimu kiasi cha shilingi milioni 115 ambazo hazikulipwa kwa wahusika
mwezi Aprili mwaka huu” alisema Kisemba.
Aliongeza
kuwa fedha nyingine zilizofanyiwa ubadhirifu ni za miradi ya maji kiasi
cha shilingi milioni 400 ambazo zililipwa kwa wakandarasi kinyume na
taratibu za manunuzi, ikiwemo kukosekana vielelezo vya malipo.
Aidha,
Mwenyekiti huyo alisema katika uamuzi huo, baraza la madiwani limemvua
madaraka Mhandisi wa Maji, Lovely Ng’ambi kwa kushindwa kutimiza
majukumu yake, huku likimpatia onyo Kaimu Mhandisi wa Ujenzi, Edwin
Magiri kutokana na kushindwa kuwajibika ipasavyo,
Mkurugenzi
Mtendaji wa Halmashauri hiyo, Amelchiory Biyego, alisema amepokea
uamuzi huo na kwamba hatua inyofuata ni yeye kuhakikisha kama taratibu
zilizotumika zimefuata utaratibu na miongozo ya uendeshaji wa
Halmashauri.
Hata
hivyo, Mkuu wa Wilaya hiyo, Paul Ntinika aliviagiza vyombo vya
uchunguzi kuingilia kati suala hilo ili vifanye uchunguzi na wale wote
watakaobainika waweze kufikishwa kwenye vyombo vya sheria.
Post a Comment