Muuza bangi aingia kimakosa ndani ya gari la polisi akidhani ni teksi

Haki miliki ya pichaPA

Image captionMuuza madawa ya kulevya aingia kimakosa ndani ya gari la polisi

Mtu anayeshukiwa kuwa muuza madawa ya kulevya alijipa krismasi asiyoitaka wakati aliingia kwenye teksi akiwa na karibu misokoto 1000 ya bangi na kugundua kuwa alikuwa ameingi kwenye gari la polisi nchini Denmark.

Polisi nchini Denmak walisema kuwa mwanamume huyo alikuwa akirudi nyumbani wakati alifanya makosa hayo mabaya.

Makosa hayo yalitokea katika eneo la Christiana, wilaya moja ya mji mkuu Copenhagen iliyo maarfu kwa biashara ya madawa ya kulevya.

• Wabunge wataka bangi ihalalishwe Uingereza
• Kampuni zashindania kukuza bangi Denmark
• Kampuni ya bangi yaununua 'mji wa bangi' Marekani

Polisi wanasema kuwa mwanamume huyo atafunguliwa mashtaka.

Polisi walisema kuwa walifurahi kumuona, kwani alikuwa amebeba misokoto 1,000 ya bangi.

Bangi ni haramu nchini Denmark.

Polisi wamefanya uvamizi mara kadhaa katika wilaya ya Christiana miezi ya hivi karibuni waliwatafuta wauza madawa ya kulevya .