Katibu tawala wa Halmashauri ya wilaya ya Liwale akikabidhi chakula kwa ajili ya wanafunzi wa darasa la saba wanaotarajia kufanya mitihani ya kuhitimu elimu ya msingi.
Katibu tawala wa Halmshauri ya wilaya ya
Liwale mkoani Lindi,mhe. Mbwana Kambangwa amewataka wazazi na walezi
kutoa ushirikiano kwa walimu ili kuhakikisha wanapiga hatua ya maendeleo
katika kutoa elimu bora kwa watoto wao.
Ameyasema hayo leo septemba 4 akikabidhi chakula kwa ajili ya wanafunzi wanaotarajia kufanya mtihani wa darasa la saba katika shule ya msingi Kambarage iliyopo kata ya Nangando wilayani Liwale.
Aidha mhe. Kambangwa amesema kuwa ametoa msaada huo wa chakula kwa kuwaunga mkono kutokana na jitihada zinazofanywa na walimu kwa kushirikiana na wazazi shuleni hapo ili kuhakikisha wanapiga hatua kubwa ya maendeleo katika kutoa elimu bora kwa watoto wao pia amewasisitiza wazazi na walezi kuwalea watoto katika maadili mema na kuwajengea misingi imara ya maisha yao.
Kwa upande wa wazazi Bi Nuru Mpoto na Bw. Ubaya Mwingira wakingumza kwa niaba ya wazazi wengine wamemshukuru katibu tawala kwa msaada alioutoa kwani umeonyesha kuiunga mkono jamii anayoitumikia na wamewaomba wazazi kufuatilia kwa ukaribu maendeleo ya watoto wao wawapo shuleni.
Pia
Mwalimu mkuu wa shule hiyo Hashimu Libena amemwakikishia katibu tawala
wataendelea kudumisha ushirikiano uliopo pia ufaulu wa wanafunzi
utaongezeka shuleni hapo.
Post a Comment