NA SAUTI YA KUSINI. BLOG
Baadhi ya wazazi na walezi wilayani Kilwa mkoani Lindi wamegoma kuchangia michango mbalimbali ya maendeleo ya shule ikiwemo chakula za wanafunzi kwa madai ya kuwa huduma hizo ni miongoni mwa zile zinazotakiwa kutolewa bure serikali.
Haya yameelezwa na wanafunzi,pamoja na wajumbe wa kamati ya shule ya msingi Lihimalyao kwenye kikao cha kujadili changamaoto za elimu kilichoitishwa na shirika la Action Aid na mtandao wa mashirika yasiyokuwa ya kiserikali wilayani Kilwa (KINGONET).
Akizungumza kwa niaba ya wanafunzi wa shule Lihimalyao Selfu Mohamedi alisema wazazi wamekataa kuchangia chakula kwa ajili ya uji kwa madai huduma hiyo inatolewa bure na serikali.
Selfu alisema sambamba na kukataa kuchangia chakula lakini pia wazazi hao hawashiriki shughuli zozote za maendeleo ya shule kwani ikitokea kazi ya ukarabati wa jengo au ujenzi wa vyoo hawashiriki kabisa.
“Kazi za ukarabati wa majengo na ujenzi wa vyoo ufanywa na wajumbe wa kamati ya shule kwa kushirikina na wanafunzi”alisema Selfu.
Mohamedi Juma mwenyekiti wa kamati ya shule hiyo alisema wazazi wamekuwa wakiitafsiri vibaya sera ya elimu bure kwa kutotekeleza maagizo ya vikao vya kamati ya kuchangia chakula cha wanafunzi na kushiriki kujitolea shughuli mbalimbali za ukarabati wa majengo.
Mohamedi alisema kukosekana kwa huduma ya chakula shuleni kuna changia kutopanda kwa ufaulu hivyo kamati inaiomba serikali kuwachukulia hatua kali wazazi wanaogoma kutekeleza maagizo.
Kwa upande wake Mkurugenzi Mtendaji wa Halmashauri ya Kilwa Zablon Bugingo alisema atawaagiza watendaji wa kata na vijiji kufanya mikutano ya kuelimisha jamii juu ya dhana ya elimu bure.
“Serikali iliposema elimu bure haikumaamisha kuwa ni kila kitu ikiwemo Sare, na chakula mashuleni bali ni gharama zile za a utoaji wa elimu tu” Alisema Bugingo
Post a Comment