mabalozi wa Tanzania watakiwa kutafuta wawekezaji kuja kuwekeza hapa nchini

Waziri mkuu Kassim Majaliwa amewataka mabalozi wa Tanzania katika nchi mbalimbali kuhakikisha wanatumia uwakilishi wao kutafuta wawekezaji watakaokuja kuwekeza katika sekta ya viwanda nchini.

Amesema  mkakati wa serikali ni kuimarisha uchumi  hadi wa kati kupitia sekta ya viwanda, hivyo jukumu la mabalozi hao ni kuhakikisha jambo hilo linafanikiwa. 

Waziri mkuu ametoa kauli hiyo alipokutana na mabalozi wa wanaoiwakilisha Tanzania katika nchi za nje akiwemo balozi dk. emmanuel nchini (brazil), balozi elizabeth kiondo (uturuki), balozi george madafa (italy), balozi james msekela (uswisi),balozi samuel shelukindo (ufaransa), balozi paul mella (drc), balozi mbelwa kairuki (china).

 Pia waziri mkuu amewataka mabalozi hao kutumia uwakilishi wao katika nchi hizo kwa kuhakikisha wanatangaza vivutio vya utalii vilivyopo nchini ili kuongeza idadi ya watalii wanaokuja Tanzania.

aidha, waziri mkuu amewataka mabalozi hao kulinda maslahi ya taifa katika nchi hizo ikiwa ni pamoja na kuimarisha uhusiano uliopo kati ya Tanzania na mataifa hayo. 

katika hatua nyingine, waziri mkuu amewataka mabalozi hao kuhakikisha wanawatambua watanzania wanaoishi katika mataifa hayo na kushirikiana nao katika kutafuta wawekezaji wa kuja kuwekeza nchini.

kwa upande wake balozi mella ambaye amezungumza kwa niaba ya mabozi wenzake alimuhakikishia waziri mkuu kwamba watakwenda kutekeleza wajibu wao ipasavyo.