MVUA YA DAKIKA 10 YAZUA BALAA NYUMBA ZAIDI YA 20 ZAEZULIWA NA UPEPO MKALI

Nyumba zaidi ya 20 zimeezuliwa na upepo mkali wakati mvua ikinyesha usiku huu wa Januari 11,2017 katika manispaa ya Shinyanga.

Vyanzo vya habari vya Malunde1 blog vinasema mvua hiyo ya iliyoambatana na upepo pia imejeruhi watu kadhaa katika kata ya Kitangiri manispaa ya Shinyanga.

Diwani viti maalum tarafa ya Ibadakuli katika manispaa ya Shinyan Zuhura Waziri amefika eneo hilo na kujionea uharibifu uliojitokeza kufuatia mvua hiyo inayodaiwa kunyesha kwa muda takribani dakika 10 tu.

Diwani huyo amesema  mvua hiyo mbali na kuharibu nyumba zaidi ya 20 pia madarasa manne na ofisi ya walimu katika shule ya msingi Viwandani zimeezuliwa.

Amewaomba wasamaria wema kufika katika eneo hilo ili kutoa msaada kwa wananchi waliothirika na mvua hiyo.

Jeshi la zimamoto limefanya jitihada za kuokoa mali mbalimbali

Taarifa kamili tutawaletea hivi punde