SIDO FC MABINGWA WAPYA LIGI YA KUCHAUKA CUP 2016

Ligi daraja la nne (KUCHAUKA CUP 2016) lilodhaminiwa na mbunge wa jimbo la Liwale,mhe.Zuberi Kuchauka novemba 26 limeweza kumalizika rasmi na timu ya Sido fc kuweza kuibuka mabingwa wapya baada ya kufikisha pointi 13 hatua ya mzunguko.

Pia katika kukabidhiwa zawadi hapo novemba 26 kulikuwa na mchezo wa kirafiki kati ya Sido fc dhidi ya Polisi fc mchezo uliochezwa uwanja wa Halmshauri ya Liwale na kuweza kutoka sare ya kufungana magoli 2 kwa 2 magoli yote yakifungwa katika kipindi cha kwanza,magoli ya Sido fc yalifungwa na Saidi Makemba na Masudi Mbwana na Polisi fc yalifungwa na Sharafara Majumba na Joseph Muhume.

Katika mashindano hayo timu zilizoshika tatu bora na kuweza kupewa zadi ni Sido fc ilikuwa na pointi 13,Polisi fc pointi 10 na Likongowele fc ilikuwa na pointi 9.

Nafasi ya ya nne ilishika timu ya New generation ilikuwa na pointi 8,Nangando fc ilikuwa na pointi 3 na timu ya Black star haikupata pointi.

Katika ligi hiyo kulikuwa na jumla ya timu 7 zilizoshiriki baadae timu ya ABC(Mpengele) fc iliweza kujiondoa na kufanya kubakia idadi ya timu 6 ambazo ni Sido fc,New generation,Black star,Likongowele fc,Nangando fc na Polisi fc.

Mshindi wa kwanza Sido fc alipewa shilingi 1,000,000/= kombe,seti moja ya jezi na mpira,nafasi ya pili Polisi fc ilipata shilingi 700,000/= seti moja ya jezi na mpira na mshindi wa tatu Likongowele fc alipata shilingi 500,000/= seti moja ya jezi na mpira.

Zawadi zilingine zilikuwa za mchezaji mmoja mmoja,kocha bora Mohamedi Hema alitoka timu ya sido fc,mlinda mlango bora Ndosi Maondo kutoka new generation na mchezaji bora alitoka timu ya Likongowele fc,Twaha Mjaka na mfungaji bora Saidi Makemba kutoka timu ya Sido fc kila mmoja pamoja walizawadiwa shilingi 20,000/= na mwamuzi bora ni Tepu Wazia alipewa shilingi 20,000/=

Kuchauka alisema ataendelea kufadhili na itakuwa endelevu kila mwaka kwakuwa michezo inawaunganisha watu licha ya kuwaunganisha pia ni ajira kwa vijana.