Mkuu wa Mkoa wa Lindi ataka hatua zichukuliwe kwa wapachika Mimba watoto wa Shule

Mkuu wa Mkoa wa Lindi Godfrey Zambi, amewataka watendaji katika Sekta ya Elimu na wa Serikali za Vijiji Mkoani humo kuhakikisha wanawasaka na kuwachukulia hatua zinazostahili wale wote walio wapachika mimba watoto wa shule na sekondari na kuwakatisha Masomo yao.

Zambi ametoa agizo hilo baada ya kutembelea shule za sekondari katika Wilaya za Nachingwea, Ruangwa na Lindi na kubaini katika kila shule hizo kuna msichana au wasichana walioshindwa kufanya mtihani wa kidato cha nne kutokana na kupata ujauzito.

Mkuu wa mkoa huyo alionyesha kutoridhishwa na mdondoko wa wanafunzi mashuleni hasa baada ya kupata taarifa za baadhi ya walimu wakuu wa shule hizo zikibainisha changamoto mbalimbali ikiwemo ya ujauzito.

Aidha katika ziara hiyo Mkuu wa Mkoa pia alijionea uchakavu wa majengo na sakafu za madarasa ya shule zote za sekondari alizozitembea ikiwemo, Nyengedi, Sekondari, Kiwalala pamoja na shule ya msingi Mongomongo