Watafiti wasema ukosefu wa usawa ''Umekithiri'' Hollywood

Utafiti umeelezea Hollywood kama ''kitovu'' cha ukosefu wa usawa

Ukosefu wa usawa "umekithiri " katika in Hollywood, huku wanawake, jamii za walio wachache, wapenzi wa jinsia moja pamoja na wenye jinsia ya kike na ya kiume wakiwa miongoni mwa watu wanaotengwa, utafiti mpya umebaini.

Repoti ya chuo kikuu cha Southern California inaonyesha kuwa ni wanawake hadi asilimia 31.4% tu waliokuwa na nafasi za kuzungumza katika filamu 100 maarufu za mwaka 2015, ikilinganishwa na 32.8% za mwaka 2008.

Wachezaji filamu ambao ni wapenzi wa jinsia moja wa kike, wapenzi wa jinsia moja wa kiume ama wenye jinsia zote mbili walikuwa ni chini ya 1% ya wale waliozungumza kwenye filamu - ama or 32 kati ya wachezaji filamu 35,205.

Watafiti waliielezea Hollywood kama "kitovu cha utamaduni wa ukosefu wa usawa''.

Hata hivyo walisema kuna mafanikio madogo katika kuwahusisha watu wa tabaka mbali mbali katika Hollywood.

Baina ya mwaka 2007, wakati uchunguzi ulifanyika kwa mara ya kwanza, na mwaka 2015, watafiti walisema kuwa hakukuwa na ishara zozote za mabadiliko ya usawa katika uwiano wa ushirikishi wa wachezaji filamu kutoka jamii za weusi, walatino na waasia - kiwango kikiwa 12.2% weusi, 5.3% walatino na 3.9% waasia

Mkuu wa utafiti huo Stacy Smith, profesa katika USC, anasema: "tunashuhudia ukosefu wa usawa uliokithiri.

"iwe tunapoangazia jinsia, jamii, rangi na hata wachezaji filamu wenye ulemavu, kwa kweli tunaona msukumo wa kuwatenga watu wote ambao si wazungu.

"licha ya kanuni na juhudi za wanaharakati na taarifa zote za habari, ni mwaka mwingine ambapo tunashuhudia hali ikiendelea kuwa ile ile bila mabadiliko yoyote.