mgeni rasmi bwana Wilson Nyamanga aliyekuja kumwakilisha mkuu wa wilaya ya Liwale mh,Ephraim
Na Mwandae Mchungulike,Liwale
Namo februari 24 mwaka huu Chama cha waendesha bodaboda wilayani liwale mkoani lindi
chatoa mikopo ya pikipiki kwa wanachama wake wapatao 62 zenye thamani ya
shilingi 92,000,000.
Chama hicho kilipata
mkopo wa pikipiki 20 zenye thamani ya shilingi 35,000.000 kutoka mfuko
wa Maendeleo ya Vijana wa Wilaya na kuweza kukopeshwa kwa mwanachama
mmoja mmoja na kupitia umoja wao chama kiliweza kupata pikipiki 42 na
kuweza kufikia ya jumla ya pikipiki 62.
wamekabidhi pikipiki mbili kwa wanachama wawili
zenye thamani ya shilingi 4,400,000/= na kukabidhi kwa mwanachama mmoja bati
zenye thamani ya shilingi 2,000,00/= jumla ni 6,400,000/= na wameweza kufanya
marejesho ya shilingi 6,325,000/=.
Katika hotuba yake katibu wa chama hicho ndugu Haji Mtutuma alisema
chama cha bodaboda kilianzishwa mwezi mei 12 mwaka 2010 ikiwa na wanachama
waanzishi 65 na kuweza kupata hati ya utambulisho kutoka idara ya Maendeleo ya
Jamii Wilaya ya Liwale mnamo januari 8 mwaka 2014.
Kwa sasa chama kina jumla ya wanachama 300 wenye sifa na
vigezo vinavyokidhi mahitaji ya katiba na vigezo vinavyotumika kumkopesha
mwanachama ni awe mwanachama hai na awe na kiwango cha hisa cha mwanachama.
Pamoja na mafanikio hayo yaliyopatikana zipo changamoto
zinazowakwamisha kushindwa kutekeleza malengo yao ,changamoto hizo ni pamoja na
ukosefu wa fedha za kuendesha ujenzi wa ofisi
pamoja na uwepo wa mtaji mdogo ambao unakosesha kuwakopesha pikipiki
wanachama wengi kwa wakti mmoja.
Akikabidhi pikipiki hizo
mgeni rasmi kwa niaba ya mkuu wa wilaya
bwana Wilsoni Nyamanga ambaye ni katibu tawala wa wilaya ya liwale
amewataka waendesha pikipiki hao kuwa na umoja kwani katika umoja huo
kutasaidia kutatua changamoto
mbalimbali.
“katika umoja wenu imekuwa ni chanzo cha ajira na
tunatambua wengi wenu ameepuka
kujihusisha na vitendo viovyu vya kunyang’anya na kukaba pia sisi kama watu wa
ulinzi na usalama kwetu ni faraja na kama serikali tumewatambua kama wadau wa maendeleo”alisema Nyamanga.
Hata hivyo katibu tawala huyo amewasisitizia kuzingatia
sheria na taratibu walizojiwekea katika katiba yao na kufanya maamuzi
yanayoendana na malengo yao kwa kutaka kuwepo kwa viongozi bora na wa
demokrasia ambayo mambo yote yanayofanyika yanakuwa ya wazi na shirikishi kwa
kupeana taarifa mbalimbali na kuweza kuweka malengo makubwa na kuweka malengo
yanayotekelezwa kwa kikomo.
Mmoja wa wanachama waliokabidhiwa pikipiki hizo leo Rajabu
Kyula alisema amejisikia furaha sana kukabidhiwa pikpiki kwani mwanzoni alikuwa
na pikipiki ya Bosi na sasa imekuwa mwokozi kwani sasa malengo yake yatakuwa
yametimia na ataweza kukuza kipata chake pia amewashauri watu wengine kuweza
kujiunga na chama hicho waweze kunufaika na mpango huo wa kukopeshana pikipiki.
Pia Idi Rashidi alisema amejiskia vizuri kukabidhiwa pikipiki
na amewashauri watu wengine kujiunga na chama cha bodaboda kwani chama hicho
kimekuwa mkombozi wa vijana wengi hapa wilayani.
Mwenyekiti wa chama
hicho Rafii Likochelo alisema amewawezeshaa wanachama wake kuwakabidhi pikipiki
na bati na kwa msaada huu imewawezesha zaidi ya familia ya watu wanne
watanufaika na mpango huu kwa wale waliojiunga na jitihadi zaidi ya kutafuta
mkopo wa zaidi ya pikipiki 30 au 50 Kwa banki ya CRDB zinafanyika na hatua
mzuri imefikia ya kukopeshwa kwa lengo
la kuwapatia wanachama wengi kuweza kupata mkopo kwa wale wanachama hai ambao
wanalipa ada ya wanachama kwa mujibu wa katiba.
USIKOSE KUSOMA MAKALA ZINGINE ZA KAZI YA VIJANA NA CHANGAMOTO WANAZOKUMBANA NAZO KUTOKA WILAYA YA LIWALE MKOANI LINDI
Post a Comment