China yaishutumu India kwa kuvamia himaya yake

 

Eneo la Nathu la Pass lilikumbwa na vita 1960

China imeishutumu India kwa kuvamia himaya yake kati ya Sikkim na Tibet katika mzozo ambao umezua hali ya wasiwasi kati ya mataifa hayo mawili.

Maafisa wanasema kuwa walinzi wa mipakani waliingilia hali ya kawaida katika himaya ya China na kuitaka India kuondoka mara moja.

India hivi karibuni iliwashutumu wanajeshi wa China kwa kuingilia eneo lake.

Eneo hilo ,kwa jina Nathu La Pass hutumiwa na mahujaji wa India wanaoelekea katika maeneo ya Hindu na Budha huko Tibet.

Eneo hilo lilikumbwa na mgogoro kati ya China na India 1967 na wasiwasi uwepo mara kwa mara.

Muhariri wa Kusini mwa Asia Ethirajan Anbarasan anasema kuwa kisa cha hivi karibuni kinaonekana kuwa mgogoro mbaya zaidi kati ya mataifa hayo mawili katika kipindi cha miaka ya hivi karibuni.

Reuters imenukuu maafisa wa China waliosema kuwa kisa hicho huenda kikatishia kuwepo kwa amani.

China imeshutumu India kwa kuzuia ujenzi wa barabara katika eneo inalosema liko upande wake mpakanni mwa nchi hizo.

Hakujakuwa na tamko rasmi kutoka kwa India kuhusu madai hayo kufikia sasa.

Kulingana na vyombo vya habari nchini India ,kumekuwa na hali ya wasiwasi kati ya walinzi wa mpakani kutoka pande zote mbili katika wiki za hivi karibuni huku vikosi vya China vikidaiwa kuvuka na kuingia katika eneo la Sikkim na kuharibu mahandaki ya jeshi la India.

Wasiwasi uliopo umeilazimu Beijing kuzuia mahujaji kuelekea katika eneo hilo la mpakani.