Trump kuongeza bajeti ya jeshi kwa dola bilioni 54

Trump kuongeza bajeti ya jeshi kwa dola bilioni 54

Rais wa Marekani Donald Trump amaeahidi kile alichokitaja kuwa nyongeza ya kihistoria kwa bajeti ya jeshi la Marekani.

Maafisa wa ikulu ya White House wanasema kuwa bajeti ya ulinzi nchini Marekani itaongezeka kwa dola bilioni 54, ikiwa ni karibu asilimia 10.

• Trump aahidi kuunda silaha zaidi za nyuklia
• Trump aitaka Marekani kuboresha silaha za nuklia

Fedha hizo zitapatikana kwa kupunguza bajeti za programu zisizo za kijeshi, ikiwemo misaada ya kigeni na fedha zinazotumiwa kwa utunzi wa mazingira.
Mipango hiyo itawasilishwa kwa bunge la Congress mwezi ujao.
Wakati huo huo idara ya ulinzi imewasilisha kwa White House, mipango ya kulishinda kundi la Islamic State ambayo Rais Trump alikuwa ameitaka idara hiyo kuishughulikia.

Haki miliki ya picha Getty Images

 

Marekana inatumia fedha nyingi zaidi kwa ulinzi kuliko nchi yoyote