Wifi Amuunguza Mke wa Kaka Yake, Kisa Hazai

NA KENNETH NGELESI,RUNGWE

MWANAMKE Vaileth Michael Kyotamawe (29) mkazi wa mtaa Tandale kata ya Kiwila Wilayani Rungwe Mkoani Mbeya,amemwagiwa maji ya moto na kuunguzwa mgongoni na makalioni na wifi yake dada wa Mume wake Elizabeth Mwatebela kwa kile kinacho elezwa ni kutokana na tatizo la kuto kuzaa.

Akizungumza na eddy blog Baba mzazi wa Vaileth,Michael Kyola alisema kuwa tukio hilo la kikatili limetokea Jenuari 23 mwaka huu majira ya saa 12:00 jioni na nyumbani kwa wazazi wa mume wa Vaileth katika Mtaa wa Tandale Ibula Kata ya Kiwila Wilayani Rungwe Mkoani Mbeya.

Alisema Chanzo cha ugomvi ni kutokana Vaileth kutumiwa ujumbe mfupi wa matusi na Wifi yake Elizabeth ambaye ni dada wa Mumewe kwa njia ya simu ya mkononi akimtukana na kumwambia hakuna sababu ya kuendelea kuishi na kaka yao wakati hazai na kwamba anamfilisi.

Kyola alisema Vaileth ambaye ameolewa na James Mwatebela kwa zaidi ya miaka minne bila kujaliwa mtoto alienda kwa wakwe kwa ajili ya kueleza hali hiyo,na alipofika nyumbani hapo aliwakuta mama mukwe na wifi huyo na kuanza kumuuliza wifi yake kwanini anamtukana? na kuhoji yeye kuto zaa watoto wakati mwenye haki hiyo ni kaka yake na siyo yeye.

Alisema wakati akihoji swali hilo alijibiwa na Elizabeth kuwa alikuwa anamtafuta siku nyingi hivyo alikuwa amejipeleka.

Aliongeza baada ya hapo walianza kurushia maneno ya hapa na pale,lakini kwa kuwa ugomvi huo ulikuwa na Baraka za mama Mukwe walisikiana na Eliabeth aliyekuwa amebeba mtoto alimshusha na kumkabidhi mama yake na kumvaa Vaileth na ndipo ugomvi ukaanza.

‘Vaileth amekuwa akitumiwa ujumbe mfupi wa matusi mara kwa mara na wifi yake huyo kwa njia ya simu ya mkononi kuhusiana na yeye kuto zaa na siku hiyo baada ya uvumilivu kumshinda alifunga safari kwenda kwa wakwe kwa ajili ya kutoa malalamiko na alipofika aliwakuta wote wawili mama mukwe wifi yake akaanza kumuuliza kwanini anamtukuna kisa yeye hazai ndipo Elizabeth akajibu nilikuwa nakutafuta siku nyingi kisha akamshuka mtoto  akamkabidhi mama yake kumvaa Vaileth’ alisema Kyola baba mzazi wa Vaileth

Wakati ugomvi huo unaendelea na mama Mukwe akishudia bila kuchukua hatua Elizabeth alionekana kuwa na nguzu hivyo alimuangusha Vaileth chini na kuchukua maji yaliyo kuwa yanachemshwa motoni kwa ajili ya kupikia akamgwajia na kumuunguza mgongo na matakoni. 

‘Mimi nimepewa taarifa na rafiki yake ambaye aliongiozana naye wakati wakienda kwa wakwe na nilipofika tulikuta amesha unguzwa tukampa huduma ya kwanza kwa kupaka asali lakini baadaye tulimempeleka katika Zahanati ya Bakwata ya Kiwila ambapo alitibiwa na nyumba nyumbani tunaendlea kumuuguzi’ alisema Kyola.

Mwaandishi wa habari hizi alimtafuta mume wa Vaileth, James Mwatabela kwa njia simu yake mkononi hakuweza kupatikana ili kuzungumzi suala hilo.

Kamanda wa Polisi Mkoa wa Mbeya, Dhairi Kidavashari alidhibitisha kutokea kwa tukio hilo na kwamba mtuhumiwa alishakamatwa na kupelekwa katika kituo cha Polisi Tukuyu-Rungwe na taratibu za kumfikisha mahakamni zinaendelea.