TAHADHARI DHIDI YA UGONJWA WA KIPINDUPINDU WILAYANI LIWALE

                     

              

Mganga Mkuu wa Wilaya ya Liwale amewatadharisha wananchi wote kuchukua tahadhali dhidi ya ugonjwa wa kipindupindu ambao unaambukiza kwa kunywa maji au chakula chenye vimelea vya kipindupindu.

Ugonjwa huu unaua ndani ya saa sita (6) TANGU MGONJWA APATE MAAMBUKIZI.

TAHADHALI HII INALETWA KWENU KUTOKANA NA UGONJWA HUU KUTOKEA WILAYA YA KILWA MKOANI LINDI.

 DALILI ZA KIPINDUPINDU

>Kuharisha na kutapika mfululizo,kinyesi cha mgonjwa wa kipindupindu kinakuwa chepesi cha majimaji yanayofanana na maji yakuoshea mchele ambapo kinapelekea kupoteza nguvu kwa mgonjwa kutokana na kupoteza maji mwilini.

JINSI YA KUJIKINGA NA UGONJWA WA KIPINDUPINDU

>Kunywa maji yaliyochemshwa

>Kula chakula cha moto

>Nawa mikono kwa maji safi na sabuni baada ya kutoka chooni

>Nawa mikono kabla ya kula

>Kutopeana mikono wakati wa kusalimiana

>Kuto mwaga maji machafu hovyo

>Kutojisaidia hovyo mtoni na katika vyanzo vingine vya maji

>Kutonyweshea mifugo mtoni

>Kutolisha mifugo kandokando ya mto

>Kutofua nguo karibu na vyanzo vya maji/mtoni

>Kutoosha magari na pikipiki kandokando ya mto

>kuto kula matunda hovyo barabarani kwani maji yanayotumika kuosha matunda sio safi na salama

USHAURI

>Mtu yeyote mwenye dalili za ugonjwa huu afikishwe haraka kituo cha kutolea huduma za Afya kilichopo karibu na pia mgonjwa anatakiwa apewe maji ya kunywa kwa wingi wakati taratibu za kumfikisha mgonjwa kituo cha afya zinaendelea.

  

                 Tangazo hili limetolewa na 

                                   Dr.Martin Mwandiki

                             Kny;Mkurugenzi Mtendaji(W)

                                           LIWALE