Mombasa katika tahadhari kufuatia mauaji ya Makaburi

Magazeti mjini Nairobi yalibeba vichwa vya habari siku ya Jumatano (tarehe 2 Aprili) kutoa taarifa juu ya kifo cha mhubiri wa Kiislamu Sheikh Abubakar Shariff Ahmed, anayejulikana kama Makaburi, ambaye alipigwa risasi Jumanne 

Kama habari zivyotoka Jumanne usiku (tarehe 1 Aprili) kwamba watu wenye silaha wasiojulikana walimuuwa Mhubiri wa Kiislamu wa Kenya Sheikh Abubakar Shariff Ahmed, anayejulikana kama Makaburi, Mamlaka za Mombasa zilitarajia maandamano ya vurugu sawa na yale yaliyoshuhudiwa baada ya wakuu wa dini awali kupigwa risasi kwa njia kama hiyo.

"Makaburi na mtu wa pili aliyejulikana kama Hassidh Bahero waliigwa risasi na watu wasiojulikana nje ya Mahakama za Shanzu," mkuu wa Idara ya Uchunguzi wa Jinai wa Kaunti ya Mombasa Henry Ondiek aliiambia Sabahi. "Watu wengine watatu walinusurika na mauaji hayo ya kufyatua risasi kutoka kwa gari linalopita."

"Hata na sisi tunashangazwa na mauaji haya lakini tumeanza uchunguzi mara moja ili kuwatambua wauaji na sababu zao," alisema.

Ondiek alipuuza madai ya baadhi ya wananchi wa Kenya na viongozi kwamba polisi wanaweza kuwa walimuua Makaburi kutokana na msimamo wake mkali na mahusiano yake na al-Shabaab.

Mwili wa Sheikh Abubakar Shariff Ahmed "Makaburi" unateremshwa kutoka gari la polisi Jumanne usiku. Mhubiri huyo alizikwa takriban saa sita usiku na kusifiwa na wafuasi wake kama "shahidi". 

"Ni kawaida kwamba polisi kuwa ni washukiwa wa kwanza kwa sababu tunatafuatia ugaidi na mashtaka yanayaohusiana na uchochezi na ghasia dhidi yake," Ondiek alisema. "Lakini tulikwishaliachia hilo kwa mahakama za sheria. Mbali na hilo, yeye aliheshimu amri za mahakama na alikuwa akiripoti polisi kila Jumanne ."

Makaburi alikuwa kiongozi matata aliyehusishwa na Masjid Mussa mjini Mombasa, ambao uliitwa jina jipya la Masjid Shuhadaa mwezi uliopita, na ulikuwa katika orodha za kimataifa za vikwazo kwa kuuunga mkono vikundi vya kigaidi.

Alhamisi iliyopita tu (tarehe 27 Machi ), mahakama ya Mombasa ilimzawadia Makaburi shilingi 670,000 (dola 7,700) katika fidia na madhara maalumu baada ya Mahakama Kuu kuamua kuwa uvamizi wa polisi kwa nyumba yake ulikiuka haki zake za kikatiba.

Abubakar Shariff Ahmed, anayejulikana kama Makaburi, wakati alipofikishwa mahakamani mjini Mombasa tarehe 6 Septemba, 2012. [Na Bosire Boniface/Sabahi]

Mkurugenzi wa Mashitaka ya Umma Keriako Tobiko pia aliripotiwa kuwa katika mchakato wa kuomba kuhamishwa kwa kesi ya Makaburi kupelekwa katika Jela ya Shimo la Tewa kwa sababu za kiusalama.

Makaburi na wenzake waliripotiwa kuwa walikuwa wanasubiri matatu nje ya Mahakama za Sheria za Shanzu, ambako walitakiwa kutipoti kila wiki, wakati walipofyatuliwa risasi.

Waandamanaji wa amani watoa wito wa haki

Shuhuda Abdulahi Jama Abdi, mwenye umri wa miaka 29, mkazi wa Mombasa, alisema kwamba upigaji risasi huo ulianza dakika chache kabla ya saa 1 jioni.

"Ilikuwa ni jioni, lakini mtu anaweza kuona wazi gari ndodo nyeupe inakaribia eneo la tukio na kukimbia mara baada ya milio ya risasi," aliiambia Sabahi. "Ilikuwa ni baadaye sana ndipo tulipojuwa kuwa ni Makaburi ambaye alipigwa risasi. Watu wawili [wanaume] waliweka mwili wa marehemu umbali wa mita moja katika dimbwi la damu juu ya migongo yao juu ya barabara ya pembeni."

Abdi alisema kundi la watu walifanya maandamano ya amani katika eneo la tukio wakati wa usiku, na kuongeza kwamba walikuwa wamekasirishwa na mauaji yasiyoelezwa ya ulamaa wa Kiislamu wenye msimamo mkali huko Mombasa. Alisema waandamanaji walituhumu polisi kuhusika na mauaji hayo.

Kifo cha Makaburi kinakuja baada ya ulamaa wa Kiislamu Aboud Rogo Mohammed, ambaye pia alikuwa katika orodha za kimataifa za vikwazo kwa kuiunga mkono al-Shabaab, aliuliwa mwezi wa Agosti 2012 katika mauaji kama hayo ya kupigwa risasi kutoka kwenye gari.

Mrithi wa Rogo Sheikh Ibrahim Ismail na watu watatu wengine waliuawa katika kwa kupigwa risasi kutoka garini mwezi Oktoba 2013, na kuzua machafuko mjini Mombasa yaliyosabaisha kifo cha angalau mtu mmoja na wengine kadhaa kujeruhiwa.

Katika kesi zote mbili, polisi hawajawatia mbaroni washukiwa wowote na vifo hivyo vimepita bila ya kuadhibiwa mtu yeyote.

Duale: Mauaji kinyume na sheria hayatashinda vita vya ugaidi

Kiongozi wa Wengi katika Bunge la Taifa la Kenya na mbunge wa Mji wa Garissa Aden Duale alisema kwamba polisi wanapaswa kufanya haraka kuchunguza mauaji hayo.

"Kama ni mauaji kinyume na sheria, yanaweka historia mbaya kwamba hawezi kushinda vita dhidi ya ugaidi nchini Kenya, "aliiambia Sabahi." Mauaji haya ya karibuni ynaweza kutazamwa kama ni pigo kubwa kwa siasa kali nchini Kenya, lakini kwa upande mwingine yanawafanya baadhi ya vijana kuwa sugu ambao wanaweza [kufikiri] kwamba serikali inalenga imani moja katika vita dhidi ya ugaidi. "

Duale alisema uungaji mkono wa Makaburi wa al-Shabaab na kuhalalaisha kwake shambulio la Jumba la Maduka ya Biashara la Westgate mjini Nairobi -- ambayo Makaburi alielezea kama "halali kwa asilimia 100" --kulimtenga na wahubiri wenye siasa kali.

"Wakuu wa dini wachache wana ujasiri kama huo wa kuwa wazi na kuviunga mkono vikundi vya kigaidi, lakini licha ya hiyo, hakuna haki kwa polisi kumuua [wakati] tumefanyia marekebisho mahakama kusimamia haki," alisema.

Duale aliomba utulivu miongoni mwa jamii ya Waislamu ili kuruhusu uchunguzi.

Wasiwasi watanda Mombasa, Nairobi lakini tulivu

Kama ilivyokuwa kwa vifo vya Rogo na Ismail, kifo cha Makaburi pia kimeleta wasiwasi Mombasa ambapo maulamaa hao walikuwa waungaji mkono wengi, na Mkuu wa polisi wa Kaunti ya Mombasa Robert Kitur aliiambia Sabahi kwamba wako katika uangalizi wa machafuko.

"Limekuwa tukio la bahati mbaya kwamba wafanya fujo wachache watataka kulitumia tukio hili, lakini vikosi vya usalama viko katika tahadhari kubwa kuzuia machafuko, uharibifu wa mali na upotevu wa maisha," alisema, akiongezea kwamba watachukua tahadhari hususani Ijumaa wakati wa swala na kuzunguka msikiti wa Shuhadaa.

Polisi waliojihami walikipiga doria katika mitaa ya Mombasa Jumatano baada ya Makaburi kuzikwa muda mfupi baada ya saa sita usiku na kusifiwa na wanaomuunga mkono kama shahidi.

Wito wa utulivu kutoka kwa maulama wa Kiislamu kupitia vipaza sauti kwenye msikiti wa Shuhadaa uliendelea usiku wote, AFP iliripoti, na miito kama hiyo ilitolewa kupitia vituo vya redio za ndani.

Lakini ingawa kulikuwepo hali ya wasiwasi na polisi na vikosi vya ulinzi vikiwa vimesambazwa kwa wingi -- ikijumuisha walinzi wenye silaha kuzunguka makanisa makuu katika maeneo yaliyo mahali pabaya -- Mombasa ilikuwa na utulivu.

"Tunalaumu mauaji ya kutumia nguvu kubwa na tuko mbali na furaha hatika hali ya usalama hapa ... mauaji haya yanapaswa kukoma," alisema Sheikh Muhdhar Khitamy, mwenyekiti wa mkoa wa Baraza Kuu la Waislamu la Kenya.

"Hata hivyo, tunaomba utulivu kwa watu kutoonyesha hisia kwa vurugu," alisema.

Mitaa ya Nairobi pia ilikuwa na utulivu pamoja na ongezeko la kuwepo kwa polisi, ingawa habari za kifo cha Makaburi zilikuwa akilini mwa wengi Jumatano asubuhi.

Wakili wa haki za binadamu wa Kenya Mbugua Mureithi, ambaye alikuwa mmoja wa wakili wa Makaburi, alilaani mauaji ya mteja wake na kutoa lawama moja kwa moja kwa vikosi vya usalama vya Kenya.

"Nilipozungumza na Makaburi, hakukiri kuwa na maadui wowote licha ya idara za usalama ambazo alisema wakati wote zilikuwa zinamuandama," Mureithi aliiambia Sabahi. Aliitaja mauaji ya Makaburi kuwa mauaji yasiyofuata sheria za mahakama iliyofanya na vikosi vya usalama, mauaji ambayo yalikuwa ni hatari yanayoweza kusababisha kutofaulu kwa vita dhidi ya ugaidi kwa sababu yanaweza kusababisha kuwaingiza katika siasa kali vijana Waislamu zaidi nchini Kenya.

"Mauaji ni mbinu ya kizamani ambayo haina nafasi katika Kenya ya kisasa," alisema. "Hebu serikali iwe na ubunifu zaidi katika kushughulikia changamoto za usalama zinazojitokeza."

Raia wa Nairobi wahofia kuenea kwa vurugu

"[Makaburi] amekuwa akishawishi vita vya kidini kati ya Wakristo na Waislamu, lakini bado, alikuwa ni mtu asiye na hatia hadi ingethibitishwa kuwa ana hatia na mahakama," alisema Ken Mbugua, msaidizi wa mchungaji wa Kanisa la Emmanuel Baptist huko Nairobi.

Mbugua alisema itakuwa ni hali ya kusikitisha kama nchi itajipata yenyewe ikitatua kutokubaliana kupitia vurugu badala ya mahakama.

"Hii itazalisha machafuko na kuiingiza nchi katika matatizo makubwa yanayofanana na ugomvi wa kidini uliotokea nchini Nigeria na Jamhuri ya Afrika ya Kati," aliiambia Sabahi.

Kwa Mercy Mumo mwenye umri wa miaka 25, keshia wa Duka kubwa la Nakumatt huko Nairobi aliyepoteza rafiki yake wa karibu katika shambulio la maduka makuu ya Westgate mwezi Septemba, kifo cha Makaburi kimeleta mwisho.

"Aliposema mauaji yale ya kutisha ni halali pamoja na mauaji ya Wakristo na uchomaji wa makanisa, nilijua alikuwa maiti inayotembea," aliiambia Sabahi. "Ninaamini tutasahau kuhusu ukurasa huu wa huzuni na kuanzisha Kenya yenye mshikamano zaidi."

Ibrahim Hussein, mwenye umri wa miaka 27 anayeuza viatu karibu na Msikiti wa Jamia huko Nairobi, aliwaomba waislamu kujizuia kuwafanyia vurugu wasiokuwa waislamu wasiokuwa na hatia, kurudia kile kilichotokea wakati Rogo alipouawa miaka miwili iliyopita.

"[Makaburi] alikuwa muhubiri mchochezi na sikukubaliana na mafundisho yake," alisema. "Hata hivyo, hii haimaanishi kuwa mauaji yake nje ya mahakama ni halali. Ninatumaini Wakristo na Waislamu watashirikiana kwa amani huko Mombasa na maeneo mengine ya nchi."

Chanzo: sabahionline.com